Þessi söngfagri fugl er einkennisfugl íslenskra birkiskóga og garða í þéttbýli. Hann er meðalstór spörfugl, dökkmóbrúnn að ofan, hvítur eða ljósgulur að neðan. Bringa hans er alsett þéttum, dökkum langrákum, kviðurinn er minna rákóttur.  Um leið og skógarþrösturinn kemur til landsins á vorin byrjar karlarnir að syngja og helga sér svæði. Skógarþröstur er félagslyndur utan varptíma og fer þá um í hópum. Hann hoppar oftast jafnfætis á jörðu niðri.

Skógarþröstur verpur í alls konar skóglendi á láglendi. Mesti þéttleikinn er í birkiskógi með ríkulegum undirgróðri, í görðum og ræktuðum skógi. Hreiðrið er karfa, ofin á undirstöðu úr leir, tágum og stönglum, staðsett í tré, gjarnan í barrtré í þéttbýli, á jörðu niðri í kjarri, í skurðbökkum og á byggingum. Verpur iðulega tvisvar til þrisvar sinnum á sumri.  Skógarþrösturinn fer til V-Evrópu á haustin. Mest til Skotlands, Írlands, Frakklands og Pýreneaskaga. Nokkur þúsund þreyja hér þorrann og góuna í þéttbýli.  Þeir sækja gjarnan í garða þar sem fuglum er gefið og er uppáhaldið þeirra epli og perur en þeir sækja einnig í brauð og fitu. Flestir fuglar eru sólgnir í fitu á veturna því hún nýtist þeim vel til að halda á sér hita í mestu kuldum.

Úr: Ég bið að heilsa eftir Jónas Hallgrímsson

Á morgun, miðvikukudaginn 12. maí verður haldin ráðstefna um votlendismál í Landbúnaðarháskóla Íslands á Hvanneyri frá klukkan 09:00-16:00. Titill ráðstefnunnar er Endurheimt votlendis - hvað þarf til? Ráðstefnan er haldin í tilefni alþjóðlegs árs líffræðilegrar fjölbreytni og í ljósi vaxandi umræðu um mikilvægi votlendis í loftslagsbreytingum en einnig njóta fuglar góðs af. Meðal fyrirlesara er Hans Joosten, prófessor við Greifswaldháskóla í Þýskalandi, sem er virtur sérfræðingur í endurheimt votlendis á alþjóðavettvangi. Votlendi eru algeng landgerð á Íslandi og talsvert hefur verið fjallað um mikilvægi þess að endurheimta röskuð votlendi til að draga úr losun gróðurhúsalofttegunda í andrúmsloftið og til að efla líffræðilegan fjölbreytileika. Á ráðstefnunni verður lögð áhersla á að fjalla um möguleika á endurheimt votlendis og hvernig best megi vinna að því verkefni. Jafnframt mun umhverfisráðherra tilkynna um ný votlendissvæði á lista Ramsarsamningsins. Markmið Ramsarsamningsins er að stuðla að verndun og skynsamlegri nýtingu votlendissvæða í heiminum, sérstaklega sem búsvæði fyrir votlendisfugla. Nú eru þrjú votlendissvæði hér á landi á lista samningsins. Það eru Þjórsárver, Mývatn- og Laxársvæðið og Grunnafjörður. Nánari upplýsingar er að finna hér á vef Umhverfisráðuneytis.
 

Laugardaginn 8. maí stendur Fuglavernd fyrir fuglaskoðun við Elliðavatn í tilefni af alþjóðlega farfugla-deginum.
Lagt verður af stað frá Elliðavatns bæ stundvís- lega klukkan 14:00 en þar munum við einnig taka þátt í vormarkaði skógræktar-félags Reykjavíkur.
Þeir Edward Rickson og Gunnlaugur Pétursson munu leiða gönguna. Viljum við minna ykkur á að taka sjónaukann með ykkur en Veðurstofan spáir góðu skyggni og stilltu veðri.