Helgina 28 -29. janúar 2006 stendur Fuglavernd fyrir garðfuglaskoðun, er það í þriðja sinn sem félagið stendur fyrir henni og eru allir hvattir til þess að taka þátt í skoðuninni. Markmiðið með henni er að fá sem flesta til þess að skoða fugla í görðum sínum og vekja áhuga á fuglaskoðun. Fá fólk til þess að fóðra fugla og vekja áhuga á fuglum og töfrum þeirra. Ennfremur er að afla upplýsinga um fugla í görðum landsmanna, hvaða tegundir eru til staðar og hvaða fjölda er þar að finna.

Hér er hægt að sækja eyðublað og frekari upplýsingar fyrir Garðfuglaskoðun 2006.

Fuglavernd gefur út dagatal með úrvali fuglamynda sem voru á sýningu áhugaljósmyndara sem Fuglavernd stóð fyrir í ár.

Hægt er að nálgast dagatalið á skrifstofu Fuglaverndar sem er opin flesta daga fyrir hádegi en dagatalið kostar 2.300,- krónur.

Það eru 12 ljósmyndarar sem eiga myndir í dagatalinu en þeir eru; Hrafn Óskarsson, Ómar Runólfsson, Björn Arnarson, Óskar Andri Eiríksson, Sindri Skúlason, Gyða Hennings, Þórir Niels Kjartansson, Skúli Gunnarsson, Einar Guðmann, Rán Magnúsdóttir, Jakob Sigurðsson og Sigurður Ægisson. Forsíðumyndina á formaður félagsins Jóhann Óli Hilmarsson.

Dagatalið er í stærð A3 og er því stórt og veglegt.

Hægt er að panta dagatalið hér á vefnum. Vinsamlegast fyllið út formið hér fyrir neðan. Við bætist sendingarkostnaður upp á 1.000,- krónur.