Umhverfisráðherra
Svandís Svavarsdóttir
Umhverfisráðuneytinu
Skuggasundi 1
Reykjavík

Áskorun Fuglaverndar vegna fækkunar sjófugla

Í ljósi þess að niðurstöður nýlegra rannsókna benda til þess að mikil fækkun eigi sér nú stað meðal íslenskra sjófuglastofna skorar Fuglaverndarfélag Íslands á umhverfisráherra að grípa nú þegar til ráðstafana til þess að vernda þessa stofna. Á Íslandi eru margir stærstu sjófuglastofnar Evrópu og bera Íslendingar því ábyrgð á velferð þeirra og umgengni við þá, m.a. skv. Bernar-samningnum og Ríó-sáttmálanum. Lagt er til að:

1) Lágmarksgrunnrannsóknum á stofnbreytingum sjófugla verði komið á.

2) Tegundir sem fara á válista vegna fækkunar verði friðaðar fyrir veiðum og eggjatöku.

3) Varpstöðvar þessara tegunda: fuglabjörg og aðrar byggðir, verði friðuð.

4) Vorveiðum á svartfugli verði alfarið hætt.

Stokkseyri  5. júlí 2009
Jóhann Óli Hilmarsson, formaður