Fuglavernd mun taka þátt í vormarkaði Skógræktarfélags Reykjavíkur um næstu helgi, 14. og 15.maí. Markaðurinn er opinn frá 10-18 báða dagana og verður fjölbreytt dagskrá. Á heimasíðu Skógræktarinnar má fá frekari upplýsingar og kort af svæðinu. Við verðum m.a. með garðfuglabæklinginn okkar til sölu og tækifæriskortin og einhver fuglahús eigum við eftir.

Boðið verður upp á fuglskoðun báða dagana en lagt verður af stað frá Elliðavatnsbæ stundvíslega klukkan 15:00 og munu sjálfboðaliðar frá Fuglavernd leiða gönguna. Allir velkomnir en munið eftir að taka sjónaukann með ykkur. Meðfylgjandi mynd af skúfönd tók Jakob Sigurðsson en hann mun meðal annarra leiða fuglaskoðunina.