Fagurt galaði fuglinn sá

Ljósmyndasýning á Vetrarhátíð / safnanótt föstudagskvöldið 13. febrúar frá kl. 20 til 22 og laugardaginn 14. febrúar á milli 13 og 17. Sýningin verður í safnaðarheimili Dómkirkjunnar við hliðina á Iðnó.
 
Fuglavernd, í samstarfi við fjölda fuglaljósmyndara, sýnir fjölbreyttar og einstaklega fallegar ljósmyndir af íslenskum fuglum. Sýningin verður gædd lífi með fuglahljóðum úr hinum skemmtilega dagskrárlið RÚV; Fugli dagsins.
 
Boðið verður upp á leiðsögn um fuglalíf við Tjörnina á laugardeginum kl. 14. Einar Ó. Þorleifsson og Jakob Sigurðsson leiðsegja.
 
Sýningin verður í framhaldinu sett upp í Norræna húsinu, mánudaginn 16. febrúar og verður þar til 13. mars.
 
Ljósmyndarar sem taka þátt í sýningunni eru:
 
Einar Guðmann
Gyða Henningsdóttir
Hrafn Óskarsson
Jakob Sigurðsson
Ómar Runólfsson
Óskar Andri
Rán Magnúsdóttir
Skúli Gunnarsson
Sigurður Ægisson
Sindri Skúlason
Þórir Níels Kjartansson