Fuglaskoðun Skógræktarfélags Hafnarfjarðar og Fuglaverndar í Höfðaskógi og við Hvaleyrarvatn
kl. 10:00
Laugardaginn 6.júní.

Leiðin að gróðrarstöð Skógræktarfélags Hafnarfjarðar, Þöll liggur úr Hafnarfirði frá Reykjanesbraut um Kaldárselsveg.
Fuglaskoðunin hefst í gróðrarstöðinni, gengið verður í hring um skógræktarsvæðið að Hvaleyrarvatni.

Meðal fugla í skóginum sem búast má við að sjá eru glókollur, músarrindill, krossnefur, auðnutittlingur, svartþröstur, skógarþröstur, stari, maríuerla og þúfutittlingur.
Í þessum sérstaklega fallega skógi er mikið safn runna og trjátegunda og hefur verið plantað fjölda tegunda sem laða að fugla með berjum, fræjum og skordýrum.
Skógræktarfélag Hafnarfjarðar hefur verið þáttakandi í verkefninu Fuglaskógurinn með Fuglaverndarfélagi Íslands sem lítur að því að setja upp fuglahús í skóginum og gera útvistarskóga sem fuglavænsta.


Gróðrarstöðin Þöll hefur að bjóða mjög fjölbreytt úrval runna og trjáa og verður sérstök kynning á þeim tegundum sem henta best í fuglagarðinn.


Leiðsögumenn verða Steinar Björgvinsson garðyrkjufræðingur og Einar Ó. Þorleifsson náttúrufræðingur. Kynning verður á starfsemi Fuglaverndar. Hreiðurkassar sér hannaðir fyrir íslenska fugla verða til sölu ásamt ráðgjöf varðandi fuglafóðrun o.fl. í Selinu, bækistöðvum Skógræktarfélagsins þaðan sem lagt verður af stað. Gangan tekur um 2 klst.


Upplýsingar veita:
Steinar Björgvinsson og Hólmfríður Finnbogadóttir
S: 5556455

Einar Ó. Þorleifsson
S: 8972161