Ljósmyndasýningin Fuglablik er til sýnis í safnaðarheimili Akureyrarkirkju 5. desember en þar má skoða hana alla virka daga frá 9 – 15 (athugið opnunartíma) og um helgar þegar starfsemi er í húsinu.

Sýningin er tileinkuð velunnara félagsins, Hjálmari R. Bárðarsyni, sem lést í mars 2009.  Hjálmar var brautryðjandi í fuglaljósmyndun og gaf út fyrstu stóru ljósmyndabókina um íslenska fugla árið 1986.  Hjálmar, ásamt Grétari Eiríkssyni, var af annarri kynslóð íslenskra fuglaljósmyndara en það var Björn Björnsson frá Norðfirði sem ruddi brautina.  Hjálmar var gríðarlega áhugasamur, iðinn, nákvæmur og listrænn í ljósmyndun sinni.  Myndir hans á sýningunni eru allar teknar á 6x6 cm filmu.

Þegar stafræna byltingin varð á fyrstu árum aldarinnar fjölgaði mjög í hópi fuglaljósmyndara, eins og sést á því að þátttakendur í sýningunni eru 18, auk Hjálmars, þar á meðal margir af helstu myndasmiðum þjóðarinnar á sínu sviði.  Aldurinn spannar frá 14 ára til 87 ára.  Viðfangsefni þeirra eru ærið misjöfn en sammerkt með verkunum er aðdáun og virðing á íslenskri náttúru og íslenskum fuglum.  Í verkunum leika ljósmyndararnir sér að litum, ljósi og skugga, sýna fugla að leik og starfi, í aksjón eða kyrra, portrett eða sem hluta af náttúrunni.  Efnistökin eru jafn margbreytileg og ljósmyndararnir eru margir og býður sýningin uppá afar skemmtilega upplifun. Umhverfisráðuneytið styrkti sýninguna og Ljósmyndasafn Íslands (Þjóðminjasafnið) veitti góðfúslega aðgang að ljósmyndasafni Hjálmars.

Bókaforlagið Crymogea býður félagsmönnum Fuglaverndar bókina "Íslenskir fuglar teiknaðir af Benedikt Gröndal" á góðum afslætti, verð 10.500,- í stað 14.900,-.

Ef félagsmenn hafa áhuga þá má snúa sér beint til útgefanda á Barónsstíg 27 en síminn þar er 5110910.

Guðmundur A. Guðmundsson dýravistfræðingur á Náttúrufræðistofnun Íslands og umsjónarmaður fuglamerkinga mun á næsta fræðslufundi félagsins, þriðjudaginn 29. nóvember, fjalla um sögu fuglamerkinga á Íslandi og sýna dæmi um niðurstöður þeirra. Árið 1921 hófust fuglamerkingar á Íslandi fyrir tilstilli danska fuglafræðingsins Peter Skovgaard. Hann sendi merki til Íslands og fékk nokkra menn til liðs við sig til að merkja fugla. Sjálfur kom hann aldrei til Íslands, en á hans vegum voru tæplega 14 þúsund fuglar merktir og endurheimtust 752 þeirra (471 innanlands og 281 erlendis). Merkingar á vegum Íslendinga hófust 1932 og hafa á þeim 80 árum sem liðin eru um 600 þúsund fuglar verið merktir og um 35 þúsund endurheimst. Fjallað verður um fuglamerkingar, hvaða tegundir hafa helst verið merktar, varðveislu gagna og sýnd nokkur dæmi um niðurstöður, m.a. hvar íslenskir fuglar eyða vetrinum.

Fundurinn byrjar kl. 20:30 og eru öllum opinn svo lengi sem húsrúm leyfir en hann er haldinn í húsakynnum Arion banka, Borgartúni 19. Aðgangur er ókeypis fyrir félaga í Fuglavernd en aðgangseyrir er 500 krónur fyrir aðra. Ljósmyndina af margæsinni tók Jakob Sigurðsson.

Nú er komið að árvissri garðfuglakönnun Fuglaverndar en stendur hún yfir allan veturinn og hefst 30. október n.k. Fuglavernd byrjaði með Garðfuglakönnun veturinn 1994-95.  Markmiðið er sem fyrr að athuga hvaða fuglar sækja í garða, í hve miklu magni og breytingar í tegundasamsetningu yfir vetrarmánuðina og skoða breytileika milli ára og landsvæða. Árangurinn byggir á þátttöku svo við hvetjum sem flesta að leggja þessu verkefni lið. Hér má finna eyðublaðið með word sniði eða PDF sniði.

Framkvæmd Garðfuglakönnunar er einföld en hana má kynna sér í pistli í tímariti Fuglaverndar, Fuglum nr. 3 (sem verður fljótlega aðgengilegt hér á vefnum), og á Garðfuglavefnum.  Búið er að taka saman yfirlit síðustu þriggja vetra og verður það birt í Fuglum, tímariti Fuglaverndar sem kemur út í desember.  Ef einhver lúrir á niðurstöðum frá því í fyrra þá sendið þær inn sem fyrst á Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. . Þeir sem hafa tekið þátt eiga þakkir skyldar og vonandi sjá þeir sér fært að vera með í vetur.
Að gefa fuglunum er skemmtilegt og gagnleg tómstund.  Upplýsingar um fóðrun garðfugla og hvernig standa megi að garðrækt til hagsbóta fyrir fugla má fá í garðfuglabæklingi Fuglaverndar og á vefnum um garðfugla.

Myndina tók Örn Óskarsson í garðinum sínum.
Til fróðleiks má sjá slóð"Project FeederWatch", sem er keimlík könnun og okkar og niðurstöðurnar eru líka aðgengilegar.

Í Bretlandi er einnig fylgst með garðfuglum en sú rannsókn er í gangi allt árið sjá: http://www.bto.org/gbw/index.htm

Á þinginu verður fjallað um náttúruverndarmál, þar á meðal nýútkomna hvítbók um endurskoðun náttúruverndarlaga, friðlýsingar, ferðaþjónustu, útivist, náttúruvísindi og viðmið fyrir náttúruvernd.
Heiðursgestur er Ella Maria Bisschop-Larsen, formaður Dönsku náttúruverndarsamtakanna sem fagna 100 ára afmæli í ár. Dagskrá þingsins og nánari upplýsingar er að finna á vef umhversráðuneytisins - www.umhverfisraduneyti.is. Nauðsynlegt er að skrá sig á þingið en það má gera beint á vefnum eða í síma 545 8600. Skráningu lýkur 5. okt. 

Nú eigum við aftur Garðfuglabæklinginn en eins og nafnið gefur til kynna fjallar hann um þá fugla sem vænta má í görðum.
Þar má finna nöfn þeirra og lýsingu á þeim og mynd af hverjum og einum og einnig eru upplýsingar um  hvernig má fóðra fuglana - hvað hverri tegund þykir best.
Þar er að finna upplýsingar um fuglahús og varp og er garðrækt fyrir fugla tekin fyrir og inniheldur bæklingurinn plöntulista yfir plöntur sem gefa af sér fæðu, skjól og varpstaði.

Bæklingurinn er fáanlegur á skrifstofunni og kostar kr. 500,- og sjálfsagt að senda hann í pósti líka. Netfangið okkar er Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. og símanúmer 5620477.